Ajo është mjaft e njohur dhe e dashur për publikun. Ndonëse për disa vite i mungoi tregut muzikor shqiptar, sërish këngën e saj “Ishe mbret”, e njihnin të gjithë.
Bëhet fjalë për këngëtaren simpatike, Anxhela Peristeri e cila është rikthyer në Shqipëri për të vazhduar karrierën muzikore.
E ftuar në emisionin “Thumb” ndër të tjera, Anxhela ka treguar diçka të frikshme të cilën e ka përjetuar gjatë kohës që jetonte në Greqi.
Ajo ndante banesën me disa kolege dhe aty shumë gjëra nuk shkonin si duhet pasi një shpirt i vdekur, endej nëpër shtëpi.
“Në atë shtëpi dritaret kërcisnin, televizori ndizej dhe fikej vetë dhe njerëzit largoheshin prej aty pasi e kishin marrë me qera dhe kishin përjetuar këto eksperinca të frikshme”, është shprehur këngëtarja.
Më vonë, Anxhela kishte mësuar se në atë shtëpi ishte ekzekutuar gruaja e pronarit të pallatit dhe kjo shpjegonte praninë e shpirtrave aty.
