Policia italiane në Olbia ka arrestuar një 26-vjeçar shqiptar, për të cilin ka një urdhër arrest ndërkombëtar.
I riu shqiptar, identiteti i të cilit ende nuk bëhet i ditur, u arrestua gjatë një kontrolli policor.
Mediet italiane raportojnë se 26-vjeçari është dënuar nga autoritetet shqiptare për mashtrim, pasi kohë më parë në Durrës kishte marrë me qira një makinë të madhe për disa muaj dhe nuk ia kishte kthyer pronarit të ligjshëm.
Shqiptari tani ndodhet në burg në pritje të përfundimit të procedurave të ekstradimit.
