Trupi ynë është një mekanizëm i përsosur ku shumë gjëra ndodhin në të njëjtën kohë. Dhe nganjëherë na jep shenja se nevojitet ndihmë të cilat, nëse shpërfillen, mund të çojnë në probleme shëndetësore. Ja disa sinjale që duhej të merrnim gjithmonë parasysh.
Pagjumësia, nervozizmi dhe dhimbjet e këmbëve
Nëse keni këto shenja, trupi juaj ka nevojë për magnez dhe kalium. Për të “rimbushur” këto elementë jetësorë, shtoni domate, portokall, banane dhe spinaq në dietën tuaj të përditshme.
Lëkura e thatë
Thatësira e lëkurës mund të nënkuptojë mungesë të vitaminës E. Prandaj, ju duhet të hani më shumë perime, vaj, arra dhe peshk.
Dëshira për gjëra të ëmbla
Nëse papritmas ndjeni një dëshirë të fortë për të ngrënë diçka të ëmbël, atëherë shkaku mund të jetë stresi, depresioni ose lodhja. Trupi juaj është duke kërkuar glukozë. Plotësojani, por për të shmangur shtimin e peshës, më mirë të hani një çokollatë të zezë ose mjaltë.
Dëshira për të ngrënë akull
Nëse e gjeni veten me dëshirën për të ngrënë akull, atëherë mund të keni anemi – mangësi hekuri. Burimet më të mira të hekurit janë mishi i viçit, vezët dhe molusqet. Sidoqoftë, është më mirë të konsultoheni me mjekun nëse doni të hani akull dhe nuk keni energji.
Gjak nga mishrat e dhëmbëve
Gjakderdhja e papritur ose e vazhdueshme e mishit të dhëmbëve kur lani dhëmbët është një shenjë paralajmëruese e mungesës së vitaminës C. Përfshini produktet e mëposhtme në ushqimet tuaja: frutat e agrumeve, spinaq, specat jeshilë dhe të kuq, domate, lakra, lulelakër dhe brokoli.
Thonjtë dhe flokët e brishtë
Trupi juaj është duke ju thënë se nuk ka vitaminë B. Pini më shumë qumësht, dhe hani disa arra dhe kërpudha.
Rrathë rreth irisit të syrit
Rrathë të tilla mund të shfaqen në njerëzit mbi 50 vjeç dhe kjo është normale. Megjithatë, nëse shfaqet tek një person më i ri, atëherë kjo është shenjë e niveleve të larta të kolesterolit. Ju duhet të konsultoheni me një mjek për këtë.
