Ylli i “Keepiing Up With The Kardashians”, Kim ka ndarë në adresën e saj në Instagram, që është një ndër më të ndjekurat në mbarë botën, këngën më të fundit të këngëtares shqiptare, Anxhelina Hadërgjonaj, “Precious”.
Anxhelina është shoqja më e mirë e grimierit të Kim, Ariel dhe siç duket kjo ka qenë një ndër arsyet pse ajo ka publikuar projektin e fundit muzikor të artistes shqiptare, ndërsa shkruan:
“Duke treguar dashuri për shoqen e ngushtë të Ariel! Urime Anxhelina”.
Sigurisht që ky postim e ka lumturuar pafund Anxhelinën, e cila e ka falenderuar disa herë Kim për mbështetjen, duke vënë në dukje faktin se ajo është një gratë më të suksesshme, por edhe më modeste në botë.
“Wow! Shumë faleminderit Kim Kardashian! Nuk e ke idenë se sa shumë do të thotë mbështetja jote për mua. Kam punuar për këtë këngë shumë gjatë. Kjo është përtej! Faleminderit. Mbretëresha e botës! Faleminderit! Zemra ime është shumë e mbushur tani! Jam më shumë se mirënjohëse! Gjithë gjërat e mrekullueshme që ti po bën me reformën e burgjeve dhe të qenurit kaq modeste me gjithçka që ke bërë asnjëherë nuk kalon pa vëmendje! Nga ajo çfarë unë kam parë me syrin e publikut dhe ato që Ariel më ka treguar për ty, ti ke një zemër shumë të bukur! Pa dyshim po lë pas një trashëgimi të mrekullueshme! Dhe si grua vetë jam shumë e lumtur të shikojë se si gratë si ty mbështesin gratë si unë! Faleminderit pafundësisht!”, shkruan Anxhelina.
