Një 60-vjeçar ka humbur jetën pak minuta më parë në një aksident në aksin rrugor Gosë-Vilë Bashtovë. Siç njofton policia e Durrësit, shtetasi me iniciale B.F 60 vjeç, ka ndaluar makinen tip Peugeot në këtë aks rrugor për shkak të një difekti, por pa vendosur sinjalizimet informuese në rrugë.
Ai është goditur nga automjeti tip Ford me drejtues shtetasin me iniciale K.O dhe për pasojë ka humbur jetën.
Njoftimi i policisë:
Kavajë/Informacion paraprak
Në aksin rrugor Gosë-Vilë Bashtovë, një automjet tip Ford, me drejtues shtetasin K. O, ka përplasur një automjet tip Peugeot të ndaluar në rrugë, për shkak të një defekti teknik por pa ndezur sinjalet dhe pa vënë sinjalistiken kufizuese/ informuese në rrugë.
Nga përplasja, automjeti tip Peugeot, me drejtues shtetasin B.F, rreth 60 vjeç, është zhvendosur jashtë rruge duke përplasur edhe shtetasin B.F, i cili për pasojë ka humbur jetën rrugës për në spitalin rajonal.
Drejtuesi i automjetit tip Ford shtetasi K. O, është shoqëruar në Komisariat për veprime të mëtejshme proceduriale.
Grupi hetimor ndodhet në vendngjarje dhe po punon për sqarimin e plote te rrethanave të ngjarjes.
