Në mesditë kryeministri ishte në Novoselë për të parë nga afër zonën e përmbytur, ku u takua me një të ri të komunitetit rom, për të cilin nuk mungoi as një përqafim.

E pikërisht një foto e shkrepur gjatë momenteve teksa ai i prekte flokët me xhel duke shkëmbyer edhe disa fjalë me nota humori me të, Rama e ka përzgjedhur si foton e ditës.

Ndërsa fotoja të jep një imazh, si ai i priftit që bekon besimtarët në kishë, në fakt Rama po i tregonte flokët me xhel. Ja biseda mes tyre.

Rama: I madh je. Përmbytje-përmbytje po xhelin flokëve, xhelin flokëve ja ke vënë që me mëngjes. Ku e ke shtëpinë ti?

I riu: Andej.

Rama: Ke përmbytje në shtëpi?

I riu: Nuk erdhi uji tek ne.

Rama: S’erdhi këtë radhë tek ju. Kemi marrë masa prandaj. Ça po bën këtëj?

I riu: Hiç, dola njëherë.

Rama: Dole njëherë për peshk këtej.