Pak ditë më parë Elgit Doda postoi në Instagram një foto me të dashurën Klea Huta krah së cilës shkruhej: Në pritje të …”.
Mjaftoi vetëm kjo foto për të ngritur lloj-lloj dyshimesh për Klean dhe Elgitin. Shumë lajme qarkullonin se Klea ishte në pritje të ëmbël apo se shumë shpejt do të martoheshin. Por ditën e sotme është shuar kureshtja e publikut.
Vetëm një ditë pas postimit të fotos e cila ngjalli shumë dyshime, kantautori i njohur dhe partnerja e tij vendosën të japin një lajm të ri. Së shpejti, ata do të vijnë me një bashkëpunim të ri muzikor.
Lajmin e kanë postuar të dy në Instastory duke lajmëruar se janë në pritje të një videoklipi. Kureshtjen e fansave e mbajtën zgjuar vetëm 24 orë, por u dorëzuan pas reagimeve dhe lajmeve që pushtuan rrjetin.
