Kontrolli i Lartë i Shtetit, kallëzoi në Prokurori 11 ish-punonjës të ALUIZNI-t dhe Zyrës Vendore të Regjistrimit të Pasurive të Paluajtshme të Korçës.
Ata akuzohen se i kanë shkaktuar një dëm prej 57 milionë lekësh buxhetit të shtetit. Këta ish-punonjës të ALUIZNI-t Korçë kanë kryer legalizime në zona të ndaluara nga ligji, pa dokumentacion, e me shmangie pagesash të detyrimeve financiare.
KLSH ka çuar në Prokurori edhe emrat e 5 ish-regjistruesve dhe 2 nëpunësve të Zyrës Vendore të Regjistrimit të Pasurive të Paluajtshme Korçë.
