•  Për fëmijët e shkollave 9-vjeçare të qytetit të Durrësit, dita e djeshme shënoi aktivitetin e radhës. Komiteti Olimpik Kombëtar Shqiptar zhvilloi ceremoninë e ndarjes së çmimeve të Projektit "Video më e Mirë "me temë: "Shqipëria në lojrat olimpike".

DURRËS, 16 dhjetor 2014 –  Projekti i realizuar në bashkëpunim me Qendrën Kulturore të Fëmijëve Durrës kishte si qëllim nxitjen e nxënësve ne mbledhjen e informacionit dhe prezantimin sa me interesant në formën e një videoje mbi Lëvizjen Olimpike në Shqipëri. Konkursi u zhvillua në dy faza. Në fazën e parë u mblodhën materialet dhe punimet më të mira nga 12 shkolla 9-vjeçare të qytetit. Ndërsa në fazën e dytë, juria e ngritur nga komisioni i kulturës, pranë KOKSH-së bëri përzgjedhjen e tri videove më të mira nga vendi I -III. 
Në sallën e aktiviteteve të  QKF Durrës, në një ambjent festiv, me prezenecën e nxënësve të shkollave pjesëmarrëse në konkurs, në prezencën e disa anëtarëve të Komitetit Ekzekutiv të KOKSH-së, nën juria e konkursit shpalli çmimet për tri videot më të mira.
Duke vlerësuar punën e impenjative të të gjithë pjesëmarrësve, angazhimin e tyre në mbledhjen e informacionit mbi Lëvizjen Olimpike dhe prezantimin interesant, me karakteristikat individuale për kontributin e sportistëve shqiptarë në Lojrat Olimpke, juria vendosi që secili punim, të vlerësohej me certifikatë pjesëmarrjeje dinjitoze në këtë konkurs.

Më pas, juria shpalli sipas renditjes dhe tri videot fituese të konkursit:

Vendi I –  Shkolla "Hasan Koci",

Vendi II –  Shkolla "Shaqe Mazreku"

Vendi III –  Shkolla "Eftali Koci"

Secili nga çmimet u shoqërua me certifikatë, medalje dhe me një kontribut financiar për shkollën, përmes një çeku që duhet të konsumohet duke blerë mjete sportive. Ndërsa videoja që fitoi çmimin e parë do të publikohet në linkun youtube të KOKSH-së.

Gjithashtu, në përfundim të aktivitetit, KOKSH-ja shprehu konsideratë për bashkëpunimin që nisi rrugëtimin në vitin 2010 me Qendrën Kulturore të Fëmijëve, vlerësoi punën e kryer gjatë viteve të fundit nga Sektorit i Sportit duke i dorëzuar kështu QKF Durrës, një certifikatë mirënjohjeje me motivacionin: “Për bashkëpunimin e shkëlqyer në realizimin e aktiviteteve Olimpike në bashkëpunim me KOKSH dhe zhvillimin e Edukimit Olimpik në qytetin e Durrësit”.
I gjithë aktiviteti u shoqërua me numra të përzgjedhur artistikë dhe u përmbyll në një atmosferë festive, veçanërisht nga shkolla fituese "Hajdar Dushi ", e cila meritoi dhe kupën e këtij konkursi.

/g.b. agjencia  e lajmeve "Dyrrah"/