Komandanti i Përgjithshëm i Forcave të Armatosura të Ukrainës, gjenerali Valery Zaluzny, i tha kryetarit të shefave të përbashkët të shtabit të SHBA, gjeneral Mark Miley se kundërofensiva e Ukrainës po përparon siç pritej.
“Kam pasur një bisedë telefonike me kryetarin e shefave të përbashkët të shtabit, gjeneralin Mark Miley. E informova për situatën operative në vijën e parë.
Ushtarët ukrainas vazhdojnë të kryejnë veprime sulmuese aktive. Situata po zhvillohet sipas planit, iniciativa është në dorën tonë”, tha Zaluzny në një postim në Facebook të enjten.
“Ne diskutuam gjithashtu nevojat urgjente të Forcave të Armatosura të Ukrainës për sa i përket armëve dhe municioneve për të vazhduar çlirimin e territorit ukrainas nga pushtuesit rusë”, tha ai. “Shpreha mirënjohjen time për mbështetjen dhe ndihmën dhe urova popullin amerikan për Ditën e Pavarësisë së Shteteve të Bashkuara të festuar së fundmi”.
Shtetet e Bashkuara pritet të shpallin një paketë të re ndihme ushtarake për Ukrainën të premten që do të përfshijë municione thërrmuese për herë të parë, thanë zyrtarët për CNN.
