Një grup deputetësh nga Komisioni i Përkohshëm i Rithemelimit të Partisë Demokratike kanë mbërritur në selinë blu, ndërsa sot është afati i fundit i vendosur që kryetari Lulzim Basha të lirojë zyrën e tij.
Ata kanë provuar të hapin tre dyert e selisë së partisë për t’u futur në pjesën e brendshme, por kanë rezultuar të bllokuara.
Aktualisht në katin e parë të selisë së PD-së, thuhet se po kryhen punime. Një protestë kombëtare është thirrur më 8 janar nga ish-kryeministri Sali Berisha dhe do të mbahet në oborrin e selisë së PD-së.
Ndërkohë kreu i PD-së, Lulzim Basha që prej mëngjesit ndodhet në zyrën e tij.
