Kompozitori njohur, Limos Dizdari, njëkohësisht edhe ish-deputet i Partisë Socialiste në Delvinë është shtruar në spitalin rajonal të Durrësit.
Bëhet me dije se ai ndodhet i intubuar në reanimacion me insuficencë pulmonare.
Gjendja e tij paraqitet e rëndë dhe nevoja për ndihmë më të specializuar mjekësore për kompozitorin është e pranishme.
Dizdari kompozitor i muzikës së lehtë, veprave simfonike dhe muzikës së mjaft filmave po përballet me një formë të rëndë të sëmundjes së pulmoneve.
Pas mbylljes së qendrës kulturore ”Dea” në Ksamil vitin e kaluar, i detyruar u zhvendos për të jetuar në plazhin e Durrësit.
