Sipas shkencëtarëve, përdorimi i cigareve elektronike mund të shkaktojë një valë të re kanceri brenda 10 viteve.

Studiuesit nga Instituti Francis Crick (FCI) thonë se pirja e cigareve elektronike është më e sigurt se pirja e duhanit, por rreziqet afatgjata për shëndetin mbeten të paqarta.

Cigaret elektronike përdoren gjerësisht nga ish-duhanpirësit për të lënë duhanin, me rreth 3.6 milionë njerëz që pinë duhan në Britani.

Profesor Charles Swanton, studiues klinik në FCI dhe shef klinik në Cancer Research UK, thotë se pirja e duhanit e-cigareve përbën një kërcënim të mundshëm për shëndetin e njerëzve.

“Nuk mendoj se mund të themi se pirja e duhanit e-cigareve është një opsion absolutisht i sigurt për të lënë duhanin. Mund të jetë më e sigurt, por kjo nuk do të thotë se është e sigurt.
Nuk jemi të sigurt se përdorimi i cigareve elektronike nuk do të çojë në kancer të mushkërive 10 vjet nga tani”- u shpreh ai.

Studiuesit në FCI kryen studime për të kuptuar pse disa nga ata që u diagnostikuan me kancer të mushkërive në MB (rreth një në 8 pacientë) ishin jo duhanpirës.

Pavarësisht se duhani ishte shkaku kryesor i sëmundjes.

Ata përdorën studime te njerëzit dhe minjtë që matën ekspozimin ndaj grimcave të ndotjes së blozës në ajër që mund të shkaktojnë rritjen e qelizave kancerogjene në mushkëri.

Provat e tyre tregojnë për faktin se procesi që shkakton tumore te joduhanpirësit është i ndryshëm nga ai i shkaktuar nga pirja e duhanit. Pirja e duhanit mendohet se shkakton një mutacion të drejtpërdrejtë në ADN që mund të rezultojë në kancer.

Gjetjet e studimit tregojnë se irrituesit si ndotja e ajrit shkaktojnë inflamacion, i ndjekur nga një proces shërimi që “zgjon” qelizat e fjetura, të cilat mund të çojnë në mutacione kanceroze dhe studiuesit shqetësohen se pirja e cigareve elektronike mund të shkaktojë të njëjtin proces.

Ndërsa shkencëtarët besojnë se ilaçet antiinflamatore mund të ndihmojnë në ndalimin e procesit që mund të shkaktojë kancer, ata paralajmërojnë se mund të duhen vite për t’u zbatuar.

“Mekanizmi që kemi identifikuar mund të na ndihmojë të gjejmë mënyra më të mira për të parandaluar dhe trajtuar kancerin e mushkërive tek ata që nuk pinë kurrë duhan. Nëse mund të ndalojmë rritjen e qelizave të shkaktuara nga ndotja e ajrit, mund të zvogëlojmë rrezikun e kancerit të mushkërive”- tha Profesor Swanton.

Një tjetër studiues nga FCI, Dr. William Hill tha:

“Gjetja e mënyrave për të parandaluar ose reduktuar inflamacionin e shkaktuar nga ndotja e ajrit do të ndihmojë në uljen e rrezikut të kancerit të mushkërive tek njerëzit që nuk kanë pirë kurrë duhan.”