25shtator 2015 – Ish-interisti kolumbian Ivan Kordoba ka mbetur i befasuar nga pritja që i kanë bërë tifozët në Tiranë. Një grup të shoqatës “Inter Club Albania” i kanë bërë atij një “pritë” në kompleksin “Tirana Internacional” në Pezë Helmës, ku ai do të ndiqte një seance stërvitore të Partizanit, çka e impresionuar kolumbianin.
Ata kanë biseduar së bashku, ku nuk kanë munguar edhe fotot e rastit. Pikërisht këto çaste befasuese, interisti Kordoba ka nxituar t’i postojë edhe në faqen e tij në “facebook”, duke shkruar: “Faleminderit shumë të gjithë tifozëve interistë në Shqipëri, për pritjen e ngrohtë që më kanë bërë në Tiranë.”
/portali DurresLajm/
