Autoritetet italiane të mjekësisë kanë bërë të ditur se në 24 orët e fundit janë konfirmuar 87 persona të vdekur nga koronavirusi, duke shënuar një rritje krahasuar me një ditë më parë, kur ishin 70 të vdekur.
Rastet e reja kanë pësuar një ulje të lehtë, pasi janë regjistruar 516 persona të rinj të prekur me Covid-19, ndërsa një ditë më parë ishin 593.
Lombardia vijon të mbetet rajoni më problematik, pasi në 24 orët e fundit ishin 38 të vdekur, ndërsa rastet e reja në këtë rajon ishin 354.
Deri tani, në Italinë fqinje kanë ndërruar jetë të prekur me Covid-19 33,222 persona, ndërsa numri i të prekurve ka shkuar në 232,248.
