Instituti Kombëtar i Shëndetësisë Publike në Kosovë (IKSHPK) njoftoi të shtunën se tre persona kanë vdekur nga sëmundja COVID-19, që e shkakton koronavirusi.
Sipas IKSHPK-së, gjatë 24 orëve të fundit janë regjistruar 70 të infektuar me koronavirus. Numri i ri i rasteve vjen pas testimit të 633 mostrave.
Në raportin e IKSHPK-së thuhet se 122 pacientë janë shëruar, ndërkaq numri i rasteve aktive është 2,705.
Që nga fillimi i pandemisë së COVID-19, në muajin mars, në Kosovë janë infektuar gjithsej 14,566 raste persona, prej tyre 11, 272 janë shëruar ndërsa 589 kanë vdekur.
