Kanadaja iu vjen në ndihmë shtetasve të saj për përballimin e situatës nga koronavirusi përmes masa të reja.
“Ne kemi një situatë të jashtëzakonshme, kemi autoritete të shquara të shëndetit publik, të cilët janë duke bërë një punë të jashtëzakonshme. Ne do ta kapërcejmë këtë së bashku”, tha kryeministri Justin Trudeau , i cili ka qenë në izolim pasi gruaja e tij, Sophie Grégoire Trudeau testoi pozitive për Covid-19 të enjten.
Trudeau tha se ai nuk ka simptoma. “Sigurisht, [të punosh nga shtëpia] është e papërshtatshme dhe disi zhgënjyese. Ne të gjithë jemi qenie sociale, në fund të fundit. Por ne duhet ta bëjmë këtë sepse duhet të mbrojmë fqinjët tanë dhe miqtë tanë – veçanërisht të moshuarit më të prekshëm dhe njerëzit me probleme të tjera”.
Mësohet se janë kufizuar ndërkohë udhëtimet ndërkombëtare. Ndërsa Trudeau është në izolim, qeveria ka ndërmarrë disa masa. Trudeau ka deklaruar se askush nuk duhet të shqetësohet për pagesën e qirasë apo për blerjen e ushqimeve.
Qeveria njoftoi gjithashtu se do të ndalojë anijet e lundrimit me 500 njerëz që të hynin në portet e vendit deri më 1 korrik – por nuk njoftoi mbylljen e kufijve.
“Kufijtë nuk ndalojnë udhëtarët. Ata gjejnë mënyra të tjera në vende. Udhëtarët bëhen më pak të sinqertë”, tha Patty Hajdu, ministre e shëndetësisë. “Qasja e Kanadasë që në fillim ka qenë përdorimi i shkencës dhe provave.”
Ndërsa vendi përgatitet për një ngadalësim ekonomik, i shkaktuar nga koronavirusi dhe një rënie në çmimet e naftës, Trudeau tha që qeveria e tij planifikon t’i japë dritën jeshile një plani stimulimi ekonomik në shkallë të gjerë, në ditët e ardhshme.
“Ne jemi në pozicionin e lakmueshëm për të pasur fuqi të konsiderueshme fiskale në dispozicion”, tha ai.
“Askush nuk duhet të shqetësohet për pagesën e qirasë, blerjen e ushqimeve ose kujdesin shtesë për fëmijë për shkak të Covid-19. Ne do t’i ndihmojmë Kanadezët financiarisht”, deklaroi Trudeau.
