Prokuroria e Posaçme Kundër Korrupsionit dhe Krimit të Organizuar ka kërkuar 4 vjet burg për ish-Sekretaren e Përgjithshme të Ministrisë së Shëndetësisë, Joana Duro, me akuzën e “korrupsionit aktiv”.
Ndërsa për specialisten e nivelit të lartë, Laura Shteto, SPAK ka kërkuar 1 vit e 6 muaj burgim.
Vladimir Topi, administratori i kompanisë “Dricons” rrezikon 2 vjet burgim, nëse gjykata merr parasysh kërkesën e prokurorit, Dritan Prençi. Për inxhinierin, Silvi Shehi, organi i posaçëm i akuzës ka kërkuar 1 vit e 6 muaj burgim.
Të tre të pandehurit akuzohen për “korrupsion aktiv”.
SPAK thotë se Duro mori 330 mijë Lekë ryshfet nëpërmjet ish-vartëses së saj Laura Shteto nga biznesmeni Vladimir Topi dhe punonjësi i tij, Silvi Shehi, për të fituar një tender për restaurimin e disa qendrave shëndetësore me fond limit 800 mijë Lekë.
