Ministria e Shëndetësisë në Kosovë ka publikuar shifrta e fundit të situatës së COVID-19 atje.
Në njoftim bëhet me dije se në 24 orët e fundit, 9 qytetarë kanë rezultuar pozitiv me Covid-19.
Gjatë kësaj periudhe nuk është shënuar asnjë rast i vdekjes.
Njoftimi i Plotë nga Ministria e Shëndetësisë:
27 Nëntor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 1.898 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.614.212 doza të vaksinës.
Deri më sot 761.003 qytetarë janë vaksinuar me dozën e dytë.
Nga 1.591 testime, 9 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 10 qytetarë, derisa numri i përgjithshëm i të shëruarve është 157.758. Në total numri i rasteve aktive është 334.
