Tri forcat politike opozitare në Kosovë – Lëvizja Vetëvendosje, Aleanca për Ardhmërinë e Kosovës, Nisma për Kosovën – sëbashku me qytetarë të shumtë, kanë filluar aksionin e tyre të ri opozitar, me moton “Bjeri borisë, kundër qeverisë”. Përfaqësuesit e të rinjve të tri partive opozitare e realizuan këtë aksion simbolik në Rrugën “Agim Ramadani”, në Prishtinë. Organizatorët kanë njoftuar se, duke filluar nga sot, do të ketë aktivitete të tilla në gjitha qytetet e Kosovës, për të protestuar kundër qeverisë dhe për të mobilizuar qytetaret për protestën e 17 shkurtit.