Policia e Kosoves ka gjetur drogë në një makinë që ishte nisur nga Shqipëria dhe kishte hyrë në territorin kosovar. Substanca e dyshuar është gjetur në bagazhin e kamufluar të një mjeti me targa të rajonit të Gjakovës. Pas kontrollit, ne pikën e kalimit kufitar Qafa e Prushit, ne Gjakovë, është konfiskuar 1,4 kilogram lende narkotike, e llojit marijuanë. Drejtuesi i automjetit, nga Gjakova, është arrestuar. Kjo sasi e narkotikeve e kamufluar është zbuluar falë angazhimit të oficerëve policorë, pajisjeve speciale zbuluese dhe qenve antidrogë. Ky është rasti i pestë për këtë vit, gjatë të cilit janë zbuluar dhe konfiskuar mbi 23 kilogramë marijuanë nga Shqiperia.