Presidentes kosovare Atifete Jahjaga i ka shkuar edhe një kërkesë nga ana e partive opozitare, bashkë me peticionin me mbi 200 mijë nënshkrime. Opozita e bashkuar i ka dorëzuar një letër presidentes Jahjaga, në të cilën kërkesa kryesore është shpërndarja e Kuvendit dhe shkuarja e vendit në zgjedhje të parakohshme. Opozitarët, përveç shpalljes se zgjedhjeve, kanë kërkuar që të ndërpriten të gjitha proceset qe lidhen më marrëveshjet për bashkësinë e komunave serbe dhe demarkacionin e kufirit me Malin e Zi. Njëkohësisht, kërkohet qe të hiqet dora edhe nga përndjekja e deputetëve të opozitës dhe aktivistëve e qytetarëve për shkak të kundërshtimit të marrëveshjeve.