Kreu i një bande të rrezikshme braziliane u përpoq të shpëtonte nga burgu duke u veshur si vajza e tij, kur ajo e vizitoi atë pas hekurave të dielën dhe duke nga dalë dera kryesore e burgut në vend të saj.
Por nervozizmi i shfaqur nga Clauvino da Silva, i njohur gjithashtu si “Shorty”, teksa përpiqej të linte burgun, bëri që policia ta arrestonte në kohë.
Plani i tij ishte me sa duket të linte vajzën e tij 19-vjeçare brenda burgut. Policia po shikon rolin e saj, pasi ka dyshime se është bashkëpunëtore në përpjekjen e dështuar të arratisjes së babait të saj nga burgu Gericinó, që ndodhet në Rio de Janeiro.
Autoritetet thonë se da Silva ishte pjesë e udhëheqjes së Komandës së Kuqe, një nga grupet më të fuqishme kriminale në Brazil që kontrollonte trafikun e drogës në një pjesë të madhe të Rios.
