Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Dy të rinj banues në Durrës kapen me armë dhe kokainë në makinë (VIDEO)

28/02/2021 - 13:42

Policia ka goditur një rast të armëmbajtjes pa leje dhe shpërndarjes së drogave të forta, duke vënë në pranga 2 shtetas.

Mësohet se njëri prej tyre, qarkullonte me armë pa leje dhe lëndë narkotike në makinë, ndërsa shoku i tij është arrestuar për "Moskallëzim krimi".

Forcat blu kanë sekuestruar një armë sportive, një krëhër me municion pa leje dhe disa doza me lëndë narkotike kokainë.

NJOFTIMI I POLICISË

Në vijim të punës për parandalimin, evidentimin dhe goditjen e veprimtarisë së paligjshme të armëmbajtjes pa leje dhe prodhimit e shitjes së narkotikëve, si edhe në bazë të informacioneve të siguruara në rrugë policore, se dy shtetas po qarkullonin me armë dhe drogë në një automjet tip "Benz", shërbimet e Komisariatit të Policisë Korçë, kanë bërë të mundur lokalizimin dhe ndalimin e mjetit në lagjen nr. 9, Korçë.

Gjatë kontrollit të ushtruar në mjetin me drejtues shtetasin Armando Çallëku, 19 vjeç, banues në Durrës dhe me pasagjer pronarin e mjetit, shtetasin Sandri Krasta, 31 vjeç, lindur në Pirg, Korçë dhe banues në Durrës, iu gjet e sekuestrua në cilësinë e provës materiale një armë sportive tip pistoletë, një krëhër me 8 fishekë dhe në sendet personale të shtetasit Sandri Krasta, u gjetën disa doza me lëndë të dyshuar narkotike kokainë.

Në përfundim të veprimeve, Specialistët për Hetimin e Krimit në Komisariatin e Policisë Korçë, bënë arrestimin në flagrancë të shtetasve Sandri Krasta dhe Armando Çallëku.

Materialet në ngarkim të tyre i kaluan Prokurorisë së Rrethit Gjyqësor Korçë për veprat penale "Prodhimi dhe mbajtja pa leje e armëve sportive", "Prodhimi e shitja e narkotikëve" dhe "Moskallëzim i krimit".

/portali DurresLajm/

Video: 
Na bëni like në facebook!: 

Lajme nga e njëjta kategori

Policia ka dhënë detajet e para në lidhje me plagosjet në Mamurras. ku mbetën të plagosur dy efektivë policie dhe një qytetar.

Të shtëna me armë zjarri janë regjistruar pasditen e sotme në Mamurras.

Plagosën me armë zjarri një shtetas, me pasojë vdekjen e tij, kapet dhe vihet në pranga një nga autorët e dyshuar të ngjarjes.

Finalizohet operacioni policor “START & STOP”, që ka çuar në goditjen e një grupi të strukturuar kriminal që ushtronte veprimtari kri

Vijon bashkëpunimi mes Interpol Tiranës dhe homologëve, për kapjen, arrestimin dhe ekstradimin e personave të shpallur në kërkim ndërkomb

Një punonjës i Policisë Rrugore në Durrës është plagosur lehtë si pasojë e një aksidenti të ndodhur në lagjen nr.14.

Vijon puna e pandërprerë për parandalimin, evidentimin dhe goditjen e paligjshmërisë.

Vihet në pranga një shtetase greke e shpallur në kërkim ndërkombëtar për veprën penale “Mashtrimi”.

Një 35-vjeçar është arrestuar nga policia pasi ka përndjekur dhe më pas ka marrë me forcë në mjetin e tij ish-të dashurën.

Një ngjarje e rëndë ka ndodhur mbrëmjen e kësaj të hëne, ku një 60-vjeçar është vetëvrarë me çifte në Astir të Tiranës