Kryebashkiakja Sako firmos kontratat me 5 familje të pallatit të shembur në Shkozet

Kryebashkiakja e Durrësit, Emiriana Sako ka vijuar edhe gjatë ditës së sotme firmosjen e kontratave me familjet, pallatet e të cilave janë shembur prej dëmeve të mëdha të shkaktuara nga tërmeti i 26 nëntorit 2019.

Këtë herë, kontrata është lidhur me 5 familje të pallatit 458 në Shkozet, në të cilin nuk ka nisur ende rindërtimi.

“Të gjithë banorët e dëmtuar nga tërmeti do të strehohen në shtëpi më të forta e më të sigurta se më parë. Vazhdojmë punën çdo ditë në shërbim të qytetarëve”,- shkruan kryebashkiakja Sako.

Nga rreth 40 pallate të shembura në bashkinë Durrës, vetëm në dy prej tyre ka nisur puna për rindërtimin e tyre në po të njëjtin vend.

Postimi i plotë:

Procesi i rindërtimit në Durrës vijon me ritme të shpejta.

Pesë familje të pallatit 458 në zonën e Shkozetit nënshkruan kontratat për të përfituar apartamentet e tyre të reja në pallatin që do të ndërtohet në të njejtin vend.

Të gjithë banorët e dëmtuar nga tërmeti do të strehohen në shtëpi më të forta e më të sigurta se më parë. Vazhdojmë punën çdo ditë në shërbim të qytetarëve.