Kryetarja e Lëvizjes Socialiste për Integrim, Monika Kryemadhe ka zgjedhur të marrë mandatin e fituar në Qarkun e Fierit.
Lajmi është bërë i ditur nga burime të KQZ-së, teksa Kryemadhi ka dërguar kërkesën e saj, që të marrë mandatin e fituar në Fier.
Kështu, me marrjen e mandatit në Qarkun e Fierit, Kryemadhi liron mandatin e saj në Qarkun e Tiranës, për numrin 2 të partisë, Petrit Vasili, ndërsa nga krahu tjetër, Kejdi Mehmeti, e cila ndodhej e 2-a në listën e Qarkut të Fierit, nuk do të jetë pjesë e Parlamentit të ardhshëm, që i vazhdon punimet në muajin shtator.
