Kryeministri i Italisë, Giuseppe Conte ka dhënë sot dorëheqjen.
Lajmi bëhet i ditur nga mediet italiane, të cilat theksojnë se largimi i tij hap një fazë të ndërlikuar politike dhe kushtetuese, e cila do të përfundojë vetëm kur një kryeministër i ri dhe ministrat e tij të betohen para Presidentit.
Sipas medieve fqinje, dorëheqja e Conte krijon një krizë, të lindur nga konfliktet mes partive të koalicionit qeverisës, që nuk u sanksionua nga një votë mosbesimi.
Ndërkohë, pritet që Conte të takojë sot Presidentin Sergio Mattarella për t’i paraqitur zyrtarisht dorëheqjen e tij.
