Kryeministri letonez, Krisjanis Karins njoftoi sot se do të jepte dorëheqjen më vonë gjatë javës së bashku me pjesën tjetër të qeverisë së tij, shkruan Reuters.
“Këtë të enjte unë do t’i dorëzoj presidentit dorëheqjen time dhe të këtij kabineti,”- tha Karins në një konferencë për shtyp.
Prej disa kohësh, 58-vjeçari ka bërë presion për të zgjeruar koalicionin për të përfshirë Aleancën e Fermerëve dhe të Gjelbërve dhe Progresistët me prirje të majtë.
Megjithatë, dy partnerët e tij të koalicionit kanë shprehur vazhdimisht rezerva për këtë masë.
Partia e qendrës së djathtë të Unitetit të Karins fitoi zgjedhjet kombëtare në tetor 2022, duke fituar 26 nga 100 vendet në një parlament të thyer, ku përfaqësohen shtatë parti.
Ai fajësoi partnerët e koalicionit “që bllokojnë punën për prosperitet dhe rritje ekonomike” për vendimin e së hënës, sipas një postimi në platformën e mediave sociale X.
