Edhe nëse i keni mësuar vetes tuaj ty ose tre ‘vese’ të mira të kujdesit ndaj diellit gjatë gjithë verës, mbetet e rëndësishme që të jeni vigjilentë ndaj lëkurës suaj në çdo stinë të vitit.
Gjatë gjithë vitit, sipas mjekëve, është mirë që të kontrolloni çdo centimetër të lëkurës tuaj, nga koka tek këmbët një herë në muaj.
Me anë të vetë-ekzaminimeve mund t’i bëni vetes një nder dhe të kapni herët një kancer të mundshëm të lëkurës. Në këtë rast, shanset për t’u shëruar plotësisht janë të larta.
Por, cilat janë shenjat paralajmëruse që lëkura juaj mund të jetë duke ju përcjellë?
Së pari, për një vetë-provim të suksesshëm, ju duhet ta dini mirë se çfarë jeni duke kërkuar. Si rregull i përgjithshëm, për të vërejtur tumoret e mundshme, duhet të kontrolloni ecurinë e çdo nishani që keni për çdo rritje ose ndryshim të mundshëm.
Format që ndryshojnë ose edhe gjakderdhja mund të jenë disa sinjale alarmi.
Shenja të tjera janë shfaqja e vizave ngjyrë kafe në formë vertikale, turbullimi në shikim, nishane që shfaqen dhe më pas “zhduken”. Për të mos u injoruar janë edhe nishanet që shfaqen në këmbë.
