Ekspertët e pastrimit tregojnë disa detaje të pastrimit të përditshëm të shtëpisë që në fakt e ndotin atë edhe më shumë. Nga këto këshilla, mund të mësojnë edhe shtëpiaket më maniake të pastërtisë disa gjëra lidhur me gabimet e përhershme të pastrimit.
Larja e dërrasës që presim ushqimin
Mendoni se larja me ilaç enësh dhe ujë të ngrohtë e dërrasës së prerjes do të mjaftonte për ta bërë atë të pastër, por kjo mund të vlejë për enët të cilat kanë mbetjet ushqimore. Bakteret në këtë dërrasë nuk mund të largohen në këtë mënyrë. Për t’u siguruar që këto dërrasa të jenë gjithmonë të pastra, provoni zbardhues pas çdo përdorimi.
Larësi spraj mbi mobiljet
Kur doni t’i pastroni mobiljet mundohuni të mos e hidhni sprajin direkt mbi to, pasi kohë pas kohe do të mbivendoset dhe do të jetë i vështirë për t’u hequr. Provoni zgjidhjen duke e sprucuar sprajtin fillimisht mbi rrobë e më pas pastroni mobiljen. Kjo shmang shenjat dhe për më tepër do të përdorni më pak produkt.
Rregullimi i përditshëm i shtratit
Rregullim i shtratit është gjëja e parë që ne bëjmë kur zgjohemi në mëngjes, por në fakt është një nga gabimet më të mëdha të pastrimit. Kjo për faktin se lëmë brenda bakteret, pluhurin dhe lagështirën, duke krijuar një mjedis që nxit shumimin e mikrobeve. Ekspertët thonë se duke e lënë mbulesën hapur ne ajrosim çarçafët dhe krevatin.
Larja e xhamave në një ditë të ngrohtë
Në fakt duket si dita perfekte, por ekspertët e pastrimit thonë se është gabim. Kjo për faktin se dielli do të avullojë ujin dhe solucionin e pastrimit para se ju të keni përfunduar. “Ajo do të lërë shenjat e produktit të pastrimit, dhe do të duhet të hiqni pikërisht ato, dhe xhami nuk do të jetë i shkëlqyer siç dëshironi ju”, thonë ekspertët.
Përdorimi i ‘pendës’
Zakonisht ato përdoren në vende të larta, të vështira për t’u arritur. Por ndryshe nga një rrobë e lagur ajo nuk e heq, por e shpërndan pluhurin. Përdorni më mirë një copë mikrofibër të lagur me pak ujë për të qenë më efektive.
