Kumbullat e thara, jo vetëm që janë shumë të shijshme, por janë shumë të dobishme edhe për disa probleme shëndetësore. Ato janë të pasura me antioksidantë, vitamina dhe minerale që i bëjnë mirë trupit.
Mund të përmendim këtu vitaminat A, C, B1, B2, B3, B6, B9, B12, K, apo fibra, kalium, magnez, mangan, fosfor, hekur dhe zink.
Të shëndetëshme për sistemin tretës
Fibrat që gjenden tek kumbullat e thara kanë aftësi për të parandaluar kapsllëkun, duke shmangur krijimin e hemorroideve. Këto kumbulla përmbajnë substanca unike të quajtura acide klorogjene dhe neoklorogjene, të klasifikuara si fenole.
Fenoli është një lloj antioksidanti që është treguar i efektshëm në neutralizimin e radikalëve të lira e të dëmshëm, të cilat janë përgjegjëse për zhvillimin e sëmundjeve të ndryshme.
Mbrojnë zemrën
Ky produkt është një burim i mirë i kaliumit, një elektrolit, që ndihmon në funksione të ndryshme jetësore të trupit.
Kaliumi ndihmon trupin në mënyra të ndryshme duke përfshirë mbajtjen e një ritmi normal të zemrës dhe uljen e presionit të gjakut, i cili mund të zvogëlojë më tej rrezikun e goditjes në tru.
Por ajo që është më interesante është se ato përmbajnë antocianinë, që mund të mbrojë nga formimi i qelizave turmoriale.
Ndihmojnë në trajtimin e osteoporozës
Kumbullat e thara janë një burim i rëndësishëm i mineralit bor. Ky mineral ndikon në ndërtimin e kockave dhe muskujve të fortë, por gjithashtu ndihmon edhe në përmirësimin e mprehtësisë mendore dhe koordinimit të muskujve.
Një studim i Universitetit Shtetëror të Floridës, provoi se këto fruta mund të parandalojnë humbjen e densitetit të kockave tek gratë me prirje ndaj osteoporozë.
