Ish-missi shqiptar Almeda Abazi është një personazh shumë i përfolur në mediat shqiptare, por edhe në ato turke për sukseset në karrierën e saj dhe për shkak të martesës me aktorin e famshëm turk Tolgahan Sayisman.
Ditën e sotme në një intervistë ekskluzive për emisionin “Ditë e Re” në RTV Ora, Almeda ka treguar reagimin që pati kur mori vesh që do të bëhej me vëlla.
Ajo rrëfen se është mjaft e lumtur që nëna e saj e bëri me vëlla, pasi tani ai është një shok i mirë për Efehan, djalin e saj.
“Kur e mora vesh në fillim për mamin i thashë është rradha ime njëher. Por mirë që është bërë pasi ai dhe Efehan do të rriten bashkë dhe e duan shumë njëri tjetrin që tani. Luajnë shumë me njëri tjetrin dhe besoj do vazhdojnë të jenë gjithmonë bashkë”, thotë Almeda.
Vëllai i Almedës është vetëm 6 vjeç dhe nga postimet në Instagram kemi parë se është i përkëdheluri i familjes bashkë me Efehanin.
