23 gusht 2015 – “Kërcen prifti nga belaja!” thuhet në të folmen popullore shqiptare për dikë që është në pozitë të vështirë dhe që është i detyruar të veprojë kundër dëshirës së vet. Por në fotot që po paraqesim, duket se priftërinjtë po kërcejnë nga… qejfi! Madje, duke filluar nga Papa i famshëm Gjon Pali II (1920-2005), që në një rast ka performuar para medieve si adhurues roku dhe prezantues ekzibicionist televiziv. Selia e Shenjtë i ka kushtuar rëndësi muzikës si një mjet për të ndikuar në shpirtrat njerëzorë dhe si mënyrë pragmatiste për të joshur besimtarët në kisha dhe katedrale. Jo thjesht muzikë klasike, por Vatikani propagandon edhe rock 'n' rol, heavy metal, spirituals, jazz etj. Ka reklamuar edhe Beatles, Oasis, Pink Floyd, Michael Jackson, U2, José Feliciano, Whitney Houston, Dionne Warwick, Gloria Gaynor, B. B. King etj. si dhe ka organizuar shfaqje dhe koncerte në Qytetin e Vatikanit.
Në kishat amerikane është bërë diçka e zakonshme muzika moderne, madje jan kthyer në venue, ku jepet live kjo lloj muzike. Deri dhe në Spanjën e ish-inkuizicionit priftërinjtë kërcejnë vallen seksuale tradicionale flamenco.
Magjisë së rok ‘n’ rollit dhe vallëzimeve moderne nuk u kanë shpëtuar as presidentë, kryeministra, zëvendëskryeministra, ministra.
/th. m. agjencia e lajmeve "Dyrrah"/
