Kryeministri i Kosovës, Albin Kurti ka zhvilluar një takim me ish-kapitenin e Kombëtares Shqiptare të futbollit, Lorik Cana.
Lajmi është bërë i ditur nga vetë Kurti përmes një postimi në rrjete sociale.
Ai thotë se sporti dhe dokumentari i Lorikut për arbëreshët ishte në thelb të takimit të tyre.
“Me Lorikun herën e fundit u patëm takuar këtë verë gjatë Kampionatit Europian të futbollit në Gjermani, në mbështetje të kombëtares shqiptare. Para pak ditësh, në Tiranë ai shfaqi dokumentarin për arbëreshët e Italisë. Shkëlqimi i tij në fushën e gjelbër si kapiteni ikonik i Shqipërisë, vazhdon me punët e mira që Loriku bën për promovimin e kulturës kombëtare shqiptare”, shkruan Kurti.
