Talibanët u hoqën nga pushteti në Afganistan në vitin 2001 nga forcat e SHBA-ve, por grupi ka qenë në ofensivë muajt e fundit dhe tani është në prag të marrjes së pushtetit përsëri.
Emri i Abdul Ghani Baradar ka dalë në skenë si lideri i cili çoi në fitoren e padiskutueshme teksa ka gjasa që ai të bëhet President i Afganistanit me largimin e Ashraf Ghani.
Baradar është lideri politik i talebanëve pasi lideri i përgjithshëm është Haibatullah Akhundzada.
Por kush është Bdul Ghani Baradar?
I lindur në provincën Uruzgan në 1968, ai luftoi në muxhahidët afganë kundër sovjetikëve në vitet 1980. Pasi rusët u dëbuan në 1992 dhe vendi ra në luftë civile midis komandantëve të luftës, Baradar krijoi një medrese në Kandahar me ish -komandantin e tij, Mohammad Omar. Së bashku, dy mullahët themeluan talebanët, një lëvizje e kryesuar nga dijetarë të rinj islamikë kushtuar pastrimit fetar të vendit dhe krijimit të një emirati.
Historia e jetës së tij flet vetëm për konflikt të pandërprerë dhe të pamëshirshëm të vendit si dhe prangosjes së përgjakshme.
Vetëm 3 vite më parë ai u lirua nga burgu në Pakistan me kërkesë të SHBA, por ai tashmë mund të bëhet President.
