25gusht 2015 – Kryebashkiaku i ri i Tiranës, Erion Veliaj, ka shpalosur sot masat që do të rëndojnë ndaj çdo personi që ndot apo abuzon me ambientin. Mes shkeljeve janë dhe urinimi në ambiente publike, hedhja e plehrave jashtë vendeve të caktuara apo përshtyrje.
Në total janë 8 masa që kërkojnë jo vetëm të zhdëmtojnë pronën e dëmtuar, por edhe të ndërgjegjësojnë qytetarët për respektimin e rregullit dhe ligjit në jetën e përditshme në komunitet. Kompanitë e përmbarimit do të kontraktohen për zbatimin e këtyre masave. Sakaq, paratë që do të vilen nga gjobat do të shkojnë për gjelbërimin e hapësirave publike.
1. Hedhja e mbeturinave në rrugë ose jashtë kontenierëve – 5.000 lekë
2. Kryerje e punimeve pa leje – 500.000 lekë + shpenzimet e prishjes
3. Shfrytëzimi i paligjshëmi hapësirave publike – 20.000 lekë + 300 lekë/m2
4. Vandalizimi i pronës publike me: 20.000 lekë
5. dëmtim, bllokim, vjedhje pusete;
6. urinim/pështyrje/grafiti në rrugë;
7. dëmtim i shtyllave të ndriçimit/ndriçuesve;
8. dëmtim pemësh
/agjencia e lajmeve “Dyrrah”/
