Policia e Durrësit ka reaguar për ngjarjen e rëndë të ndodhur pasditen e sotme, ku një gjimnazist 17-vjeçar Florian Saraci ka humbur jetën gjatë qëndrimit në ambientet e shkollës “Marie Kaçulini”.

Policia njofton se rreth orës 15:15, i riu, gjatë kohës që ndodhej në palestër, është ndjerë keq dhe ka humbur ndjenjat.

Ai u transportua me urgjencë për ndihmë mjekësore, por fatkeqësisht ndërroi jetë. Të dhënat paraprake dyshojnë se vdekja ka ardhur për shkaqe natyrale, si pasojë e një arresti kardiak.

Njoftimi i policisë:

Rreth orës 15:15, në ambientet e një shkolle të mesme në Durrës, një 17-vjeçar, gjatë kohës që ndodhej në palestër, është ndjerë keq dhe ka humbur ndjenjat.

Menjëherë është transportuar me ambulancë për ndihmë mjekësore, por ka ndërruar jetë.

Nga të dhënat paraprake, dyshohet se vdekja ka ardhur për shkaqe natyrale (arrest kardiak).

Grupi hetimor ndodhet në vendngjarje dhe po punon për zbardhjen dhe dokumentimin e plotë të rastit.