Kylian Mbappe pritet të shkëlqejë te Real Madridi, teksa u prezantua disa ditë më parë mes 80 mijë tifozëve në “Bernabeu”. Tanimë sulmuesi ka zgjedhur edhe banesën e re, që më shumë i ngjan një “pallati mbretëror”.Rezidenca mahnitëse prej 10 milionë eurosh ndodhet në qytetin ekskluziv të La Finca. Godina është vetëm 10 kilometra në veri të qendrës së qytetit të Madridit, duke e bërë atë një bazë ideale për sulmuesin e ri të Realit, me siguri të lartë.
Sipërfaqja e madhe nuk është më pak se mbretërore, teksa ka tetë dhoma gjumi, 11 banja, tarraca të gjera, një dhomë kinemaje, një pishinë dhe një garazh që mund të mbajë deri në gjashtë makina. Por luksi nuk mbaron brenda mureve. Terrenet jashtë përbëhen nga një shesh lojërash, me një fushë private futbolli, një fushë basketbolli dhe madje edhe një zonë golfi. Të gjitha gjërat luksoze nuk mungojnë në këtë rezidencë, teksa më parë ka qenë pronë e Gareth Bale, ish-lojtari i Real Madrid.Mbappe iu bashkua kampionëve spanjollë në një transferim “gratis” nga Paris Saint Germain këtë muaj.
