Një aksident i rëndë me pasojë vdekjen ka ndodhur në aksin rrugor Lezhë-Mamurras,
Një automjet tip trajler ka goditur një person për vdekje.
Ngjarja e rëndë ka ndodhur rreth orës 18:45, , në afërsi të mbikalimit në Milot.
Mjeti me drejtues shtetasin A.L., ka aksidentuar një biçiklist ende të paidentifikuar, i cili ka gjetur vdekjen.
Drejtuesi i automjetit është shoqëruar në Komisariatin e Policisë Kurbin, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
