Policia e Durrësit njofton se mbrëmjen e sotme ka nisur procedimin penal dhe po punon për kapjen e shtetasit V. K.  33 vjeç, banues në Sukth, Durrës.

Mësohet se ky shtetas, gjatë ditës së sotme, rreth orës 14:00, në Sukth, Durrës, pas një konflikti për motive të dobëta, ka goditur shtetasin A.D. 38 vjeç,  banues në Sukth.

I dëmtuari ndodhet nën kujdesin e mjekëve, jashtë rrezikut për jetën.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Plagosja e lehtë me dashje" parashikuar në nenin 89  të Kodit Penal.