Një automjet ka marrë flakë teksa ka qenë në ecje në autostradën Durrës-Tiranë. Burime nga policia bëjnë me dije se ngjarja ka ndodhur rreth orës 14:25 të ditës së sotme, në afërsi të Maminasit.
Mësohet se drejtuesja e automjetit është shtetasja me iniciale F.K. 52 vjeçe, banuese në Durrës.
Me të marrë njoftim, forcat zjarrëfikëse kanë shkuar menjëherë në vendngjarje dhe kanë bërë të mundur fikjen e zjarrit.
Për pasojë ka pasur vetëm dëme materiale.
Nga ana e uniformave blu është ngritur grupi hetimor, ku nga veprimet paraprake dyshohet se shkaku i zjarrit është aksidental.
