Policia e Durrësit shoqëron dy persona që plagosën në këmbë një 51-vjeçar me pushkë sportive.
Në një njoftim zyrtar, policia bën të ditur se shtetasi 51-vjeçar D.C. është plagosur në këmbë në lagjen nr.18 dhe ndodhet në spital jashtë rrezikut për jetën.
Njoftimi i policisë
Më datë 21.02.2017, rreth orës 18:05, në lagjen Nr.18, Durrës është plagosur lehtë në këmbë, me pushkë sportive(me ajër), shtetasi D.C. 51 vjeç, banues në Durrës.
I dëmtuari ndodhet në Spitalin Rajonal Durrës jashtë rrezikut për jetën.
Menjëherë në vendngjarje kanë shkuar Efektivet e Policisë, të cilët kanë shoqëruar dy persona, si autorë të dyshuar.
Vijojnë hetimet për zbardhjen dhe dokumentimin e plotë të ngjarjes.
