Biblioteka Universitare në bashkëpunim me fondacionin AADF (Fondacioni Shqiptaro-Amerikan për Zhvillim) ka arritur marrëveshjen për një abonim në JSTOR për periudhën 2020-2023.
JSTOR u krijua në 1994-n nga William G. Bowen dhe është pjesë e ITHAKA, organizatë jo-fitimprurëse që ndihmon komunitetet akademike në përdorimin e teknologjive digjitale.
JSTOR u krijua për t’i ardhur në ndihmë bibliotekave dhe botuesve akademikë për të kthyer punimet e tyre nga të shtypura në format digjital dhe për t’i ruajtur ato për brezat e ardhshëm.
Përmes kësaj platforme gjigante kërkimore stafi akademik dhe studentët do të kenë mundësinë e hulumtimit në shumë fusha studimore. Ky abonim do qasje në miliona artikuj, revista shkencore, libra referimi, pamflete në shumë disiplina si: arte dhe shkenca, shkenca humane, biznes dhe teknologji, zhvillim të qëndrueshëm, trashëgimi kulturore, ekologji dhe botanikë, etj.
JSTOR do të na ndihmojë në kërkime shkencore, punëtori, në përmirësimin e kurrikulave mësimore, mundësinë e pjesëmarrjes në konkurse kombëtare dhe ndërkombëtare. Ashtu si EBSCO Host, edhe JSTOR është platformë e thjeshtë për t’u përdorur. Çdo anëtar i komunitetit tonë mund t’i përdorë këto dy thesare për të thelluar njohuritë dhe dijet në fushat e interesit. Duke i përdorur sa më shumë do të kuptoni rëndësinë, vlerat dhe larminë e shërbimit që ato ofrojnë.
Për të pasur qasje në JSTOR dhe për të marrë më shumë informacion klikoni në adresën: https://www.jstor.org/
