Kryeministri i vendit, Edi Rama, ka shprehur sot ngushëllimet e tij për ndarjen nga jeta të bashkëshortes së Dritëro Agollit, Sadijes.
Përmes një statusi në "Facebook", Rama e cilëson atë si shoqen, të dashurën, gruan dhe hijen e shkrimtarit të ndjerë Dritro Agolli.
"Sadie Agolli ishte hija, shoqja, e dashura, gruaja e Dritëroit dhe kur ai iku, ishte pak si për të shkuar përpara për të parë banesën tjetër, ku Sadia i është bashkuar tanimë pas një ndarjeje që e ktheu në hije që kishte humbur dritën. Lamtumirë Sadie!", shkruan shefi i qeverisë.
