Deputeti Endri Hasa, i cili tentoi të qëllonte me vezë kryeministrin Edi Rama, edhe pas vendimit të Byrosë së Kuvendit nuk ka pranuar që të lirojë sallën e seancave plenare.
Kreu i Kuvendit i ka kërkuar disa herë që Hasa të lirojë sallën, por deputeti nuk i është bindur urdhrit, duke shkaktuar dhe debate.
"Liro sallën! Endri Hasa liro sallën, sipas vendimit që mori Byroja e Partisë, Byroja e Kuvendit (qeshin deputetët në sallë).", ishin këto fjalën e Ruçit.
Më pas ka ndërhyrë dhe Berisha duke kërkuar përjashtimin e Ramës pasi sipas tij Kryeministri ka fyer deputetët e opozitës.
“Ai është sharësi më vulgar”, u shpreh Berisha, ndërsa Ruçi iu përgjigj: "Edhe për këtë që thatë ju mund të përjashtoheni nga seanca."
