Lulzim Basha ka reaguar pas largimit të Fatmir Xhafajt, dorëheqja e të cilit u njoftua mëngjesin e sotëm nga kryeministri Rama, që njëkohësisht kishte zgjedhur edhe pasuesin e Xhafës në postin e Ministrit të Brendshëm, gjeneralit Sandër Lleshi.
“Largimi i Fatmir Xhafës, të vetmit ministër të brendshëm në Europë me vëllain trafikant droge, është një hap i rëndësishëm në betejën tonë për të pastruar politikën nga krimi. Me Fatmir Xhafën krimi vuri nën kontroll të plotë policinë dhe prokurorinë. Por largimi i tij është vetëm fillimi i shkërmoqjes së bashkëqeverisjes së Edi Ramës me krimin. Beteja për çlirimin e politikës, ekonomisë dhe shoqërisë nga krimi do të vazhdojë deri në fitore. Shqiptarët meritojnë një qeveri që punon për njerëzit”,- shkruan ai në një postim në rrjetet sociale.
