Ledri Vula dhe Romeo Veshaj publikuan bashkëpunimin e tyre të parë “E keni dit”. Mirëpo veç djemve në sfond dëgjohet edhe një zë tjetër, i cili dallohet qartë që nuk është as zëri i Ledrit e as i Romeos.
Bëhet fjalë për këngëtarin e komunitetit rom, Klement Selitën, i cili këndon refrenin dhe pothuajse pjesën më të madhe të këngës. Mirëpo emri i tij nuk figuron tek titulli i këngës dhe po ashtu ai nuk shfaqet as në klip.
Kaq ka mjaftuar që një pjesë e mirë e fansave të shprehin shqetësimin e tyre për faktin se Klementit nuk i janë dhënë merita të mjaftueshme për këngën.
