Një tërmet i shkallës 4.6 rihter është ndjerë mëngjesin e së dielës së fundit të këtij viti.
Tërmeti është ndjerë në zonën e Korintit, Attikës, Peloponezit dhe Sterea Hellas e duke iu referuar mediave greke mësohet se nuk ka njerëz të lënduar apo dëme materiale.
"Ne duhet të jemi të kujdesshëm, pasi mund të ketë lëkundje të tjera tërmeti sepse zona ku ka qenë epiqendra ka potencial të lartë sizmik për të sjellë tërmete të tjerë. Mundësia e një tërmeti më të fuqishëm mbetet e hapur", tha Gerasimos Papadopoulos, drejtor hulumtues i Institutit Sizmiologjik të Athinës.
