Spanjë, 7 shtator 2014 – Roja Civile (policia) spanjolle arrestoi për të pestën herë shqiptarin Leonard Zgjana, 28 vjeç.
Për herë të parë, Zgjana u arrestua nga policia spanjolle në vitin 2008. Atij i ishte ndaluar hyrja në Spanjë deri në vitin 2018.
Pavarësisht nga ndalimi, Zgjana ishte kapur edhe tre herë të tjera nga policia spanjolle. Herën e fundit ai u arratis nga një qendër strehimi për klandestinët, në 21 gusht 2014.
Vetëm 14 ditë pas arratisjes së fundit, Zgjana u bllokua në një postbllok të Rojës Civile në Krahinën e Valencias.
Leonardi u përpoq t’i mashtronte policët spanjollë duke u treguar një pasaportë rumune të falsifikuar, por policët kontrolluan bankën e të dhënave të kompjuterit duke zbuluar identitetin e vërtetë të Zgjanës.
Këtë rradhë ai u arrestua me akuzën e thyerjes së masës së dëbimit dhe mbajtjes së dokumentave të falsifikuara.
/gje. th. agjencia e lajmeve “Dyrrah”/
