Ministria e Punëve të Brendshme në Maqedoni ka lëshuar urdhër arresti ndërkombëtar për ish-kryeministrin Nikola Gruevski.
Vendimi ka ardhur pasi prej disa ditësh nuk ka asnjë të dhënë për vendndodhjen e tij, ndërsa mendohet se është larguar jashtë vendit.
Mbrëmë Policia e Maqedonisë ka ndërmarrë një operacion në banesën e Gruevskit si dhe në selinë e partisë së tij VMRO DPMNE, por pa sukses.
Gruevski kërkohet nga policia për të vuajtur dënimin prej 2 viteve burg për rastin “Tanku”, e cila ka të bëjë me blerjen e makinës luksoze “Mercedes” në vlerë prej 600 mijë eurove duke shkelur ligjin.
